ارحلي دامك بغيتي ترحلين

واتركيني في همومي والقهر

واتركيني لليالي والسـنين

اللي مثلي كم تعود للسهـر

واسمعيني كان ودك تسمعين

كلمتين بخاطري قبل السفر

حبك بقلبي ترى لو تصدقين

باقي وياي مع طول العمر

ودعي يا عين بالك تدمعين

ما يفيد الدمع في يوم القدر

الليالي تقول والقلب الحزين

ما نبي الا ذكرياتك والصور

اعتبرني حلم عابـر في حياتك

اعتبر حبي سحــابة في سماك

اعتبرني من بقايــا ذكرياتك

اعتبرني شخص مـا يرغب لقاك

ابتعد واجمع مع غيري شتاتك

يوم صــار الغير هو غاية هواك

التسلي بالمشاعر من صفاتك

يـــا فقير الحب اتبع من غواك

روح دور يا عديم الذات ذاتك

بارخص الاسعار يخسر من شراك

يا ردي الطبع بانت لي رداتك

يـــا عسى ربي عن العالم خذاك

باحيي الافراح في ليلة وفاتك

دام مــات الحب واحلامي معاك